Tres anos leva xa a Masa Crítica de Pontevedra saíndo ás rúas para reivindicar o espazo dxs ciclistas na calzada, para loitar por outro modelo de vida e de transporte, e para defender a saúde do planeta e de tódolos seres que o habitamos.

Tres anos nos que moita xente se achegou ás masas e se sumou á bici, grazas o cal conquerimos (e esta é unha victoria de tódolxs que usamos a bici a diario e algunha vez asistimos á Masa para darlle forza) ser escoitadxs polo concello e tamén que se nos agasallara este ano co Premio á Mobilidade Ciclista 2014.

Ángel Pérez colaborando con Victor e Tita

Dende Pontevedra sumamos o noso grao de area para a coexistencia nun planeta lóxico, ecolóxico e sostibel que, de seguro, tódolxs nenxs desexan cando chegan a este mundo. Por elxs e polas demáis especies que comparten este barco, por nos mesmxs, pedalamos cada día, en cada Masa, sumando así o noso avance ó de outras persoas e colectivos que tentan manter a flote o planeta e a súa vida, tentando taponar as vías de auga que, por momentos, parecen afundirnos. E, dende logo, convencidxs de que a mellor maneira de conquerir un obxectivo é fixalo no horizonte, montar e comezar a pedalar, paseniño, aprendendo da paisaxe e compartindo cxs compañeirxs o que nos brinda a viaxe, porque eso é a Masa Crítica, pedalar por un mundo mellor.