Un mes máis, e xa van 29, @s ciclousuari@s de Pontevedra voltaremos a xuntarnos para dar un paseo en grupo polas rúas da nosa cidade.
 Coma sempre xuntarémonos na praza da Peregrina, mais debido ó cambio de hora e ás temperaturas propias da época do ano nas que entramos, adiantamos unha hora a saída, sendo dende agora ata a mediados da primavera ás 20:00.
 Así que xa sabedes, se queredes dar unha voltiña en bicicleta polas rúas de Pontevedra en boa compañía e de paso reivindicar a bici coma o medio de transporte alternativo e sostible que é, só tendes que achegarvos pola Peregrina o Xoves 31 ás 20:00.

                                                              Un saúdo a tod@s.

Este xoves 26 voltaremos a dar unha volta polas rúas de Pontevedra. Celebraremos a chegada do outono reivindicando o lugar das bicicletas na calzada e coma sempre pasaremos un agradable rato circulando en grupo polas rúas da cidade do Lerez. Animádevos a pedalar en boa compañía, e xa sabedes, ¡¡non contamina nin gasta gasolina!!. Sairemos coma sempre ás 21 horas da praza da Peregrina. Un saúdo a tod@s.

Ola a tod@s.

Abrimos este post co orgullo de poder dicir que a Masa de Pontevedra xa vai celebrar a súa saida número 24 polas rúas da cidade do Lérez, ou o que é o mesmo, que cumprimos dous anos xuntándonos para reivindicar que o medio de transporte máis sostible e saudable sexa respetado polos outr@s usuari@s da vía.

Dous anos pedalando xunt@s, dende o 30 de Xuño do 2011 (aquí deixo a primeira entrada do blogue, no que se explica en que consiste a Masa adornado con fotos desa primeira saída. http://masacriticapontevedra.blogspot.com.es/2011/07/por-que-la-masa-critica.html )


Dous anos nos que moitos de nós nos temos coñecido e temos compartido inquedanzas e, por qué non, tamén moitos sorrisos.

Nestes dous anos a masa oscilou en número cada mes, pero sempre se mantivo activa (bueno excepto en Abril do 2013 que caia auga a mares, ou en Marzo do mesmo ano, que fomos catro pola mesma razón) e nunca deixamos, grazas á presenza de tódolos que algunha vez asististes, de exercer a forza e a presión social que nos permiten ser considerados como o movemento de ciclousuari@s que somos e, como tal, acadar algo de presenza nas decisións que se toman a nivel local no eido da mobilidade ciclista.

Pero tamén nestes dous anos padecemos malas novas, como a morte no noso concello do ciclista Cristóbal Hermida e a de máis dun cento de persoas no estado, persoas que circulaban na súa bicicleta cando os sorprendeu a imprudenza dun conductor que lles segou a vida.


Dous anos esperando por unha reforma do código de circulación que favorecese máis ó ciclista, achegándonos máis ás normativas dos paises europeos, e, sobre todo, agardando que se fixesen campañas de formación e concienciación orientadas a tódol@s usuari@s da vía. Finalmente, todo parece indicar que a dirección é a contraria, xa que o novo borrador do código de circulación só di iso no preámbulo, mentres que no seu articulado, non aparece nin un só artigo que mellore a presenza e a seguridade d@s ciclistas na calzada, se non que incluso perxudica a este medio de transporte, con medidas como a obrigatoriedade de circular pola dereita nas cidades (e non polo medio do carril, que é o máis seguro), ou a polémica obrigatoriedade do uso do casco no ámbito urbán.

Pero fronte a estas noticias, a masa seguirá a sair o último Xoves de cada mes para gozar dun rato de ledicia pedalando en grupo por Pontevedra, dicindo iso de.  "Non contamina nin gasta gasolina" ou "coido o meu planeta indo en bicicleta" e sobre todo amosando, con respeto, que "non bloqueamos o tráfico, somos tráfico".

E cómo xa quedou claro, este Xoves 27 (que é o último de Xuño voltamos a pedalar polas rúas de Pontevedra, así que xa sabedes, achehádevos á peregrina estaremos alí dende ás 19:30 e haberá non unha, se non dúas pedaladas.


 Este é o programa:
  -19:30. Visítanos na praza da Peregrina, ven compartir con nós o aniversario.
  -21:00. Masa Crítica. Súmate a dar un paseo coxunto polas calzadas da nosa cidade.
  -22:00 Ruta nocturna organizada polo concello e explicación por parte da policía local da normativa de alumeado nocturno obrigatorio.

Un saúdo a tod@s,¡¡vémonos na bici!!.